روايات مصرية سلسلة بنات من حارتنا
الحكاية الثانية :فتاة في المزاد
في حي شعبي تعيش فتاة اسمها احلام في أسرة مكونة من الاب والام وثلاثة من الاخوان الذكور،
في بيت قديم متكون من ثلاث طوابق تسكن أحلام في الدور الأخير، في شقة متكونه من غرفتين وصالة ليست بكبيرة ومطبخ وحمام.
أحلام لم تكمل تعليمها الهانم أخدت الابتدائية وقاعدت في البيت.
أحلام :أمي ياريت تقولي ل ابويا اني مش عايزه اكمل تعليم.
الام:ليه يا احلام أنت عايزه تقعدي في البيت، طب يابنتي فكري تاني علشان مترجعيش وتقولي انتم السبب، في إني مكملتش تعليمي.
أحلام :لا يا ستي مش عايزه أكمل، كده كده أنا بعرف اقرأ وده اللي أنا عايزاه اكتر من كده (عقول بني ادمين)
وتمر السنين واحلام بقى عندها خمسة وعشرون سنه والفكره المسيطرة، ازاي اتجوز
الأم :قاعده مع صاحبتها وانبي يا اختي مش قدامك حد كويس لأحلام، احلام من الاوضه، اه وانبي ياخالتي، علشان ابويا مزهقني كل شويه، خناقات ومشاكل وزعيق على كل حاجة، لما الواحد يتجوز يمكن يرتاح،.
الصديقة :هشوف يأم أحلام وارد عليكي، طب وانت ياختي مفيش حد من جيرانك، ماشاء الله جيرانك كتير،.
الأم :لا ياختي محدش طلب يتجوز احلام من اللي جيراننا ، عموما شوفي كده، يمكن انشالله جوازتها تكون على إيدك.
الصديقة :كله على الله، اقوم بقى زمان العيال وجوزي راجعين للبيت، وهيسالوا انا فين، يالله السلام عليكم.
خرجت الصديقة وبصت أحلام لأمها وقالت لها ياترى خالتي فعلاً هتشوفلي عريس كويس، الأم كله على الله، لما نشوف
وعدي النهار عادي، احلام بتنضف البيت والأم في المطبخ بتعمل الاكل قبل ما الاب يرجع هو والابن الكبير والوسطاني من الشغل، وطبعاً لو رجع ملاقش الأكل جاهز هيعمل مشكلة.
🌹🌹
ردحذف