روايات مصرية : بنات من حارتنا

الجزء الثاني من الحكاية الأولى :حكاية عشق لا ينتهي. 
روحت صفية مع اصحابها وتركت ماجد واقف ذي ماهو مكانة
صاحبتها :عملتي اية معاه
صفية :ولا حاجة اتكلمت معاه بس صدقي يا بت باين عليه ذي مانت قولتي ابن ناس وكمان ده في الجامعة
وقولتله بكره انشاالله هتكلم معاه.
صاحبتها :اشطه معنى كده انك اديتيله معاد بكره
صفية :مش بالظبط بس اهو اجرب مش هخسر حاجة هو حد شايف حاجة. وركبت صفية الاتوبيس وروحت البيت وبقية اليوم بتفكر في ماجد وطبعاً روقت الأوضة وجهزت الاكل وبعد كده قاعدت تتكلم مع جيرانها البنات.
تاني يوم الظهر لبست صفية هدوم المدرسة واستنت لحتى  اصحابها البنات لما فاتو عليها. 
وركبت الاتوبيس عادي وراحت المدرسة وفي آخر اليوم خرجت من المدرسة ولاقت مين في وشها طبعاً
الاستاذ ماجد وطبعاً مستنيها ذي ماهي قالتوا انبارح
صاحبها طبعاً لما شافوه خدوا بعضهم وميشوا وهي طبعاً راحت تتكلم معاه.
صفية :عامل ايه، ايه أخبارك.
ماجد؛ :الحمد لله وانت
صفية :الحمدلله بس عندي سؤال انت مش المنطقة صح
ماجد:لا انا مش من المنطقة انا من......
صفية :ايه ده خالتي ساكنه هناك.
ماجد :انا جيت هنا علشان واحد صاحبي ساكن هنا شوفتك فحبيتك.
صفية :كده على طول انت مش شايف انك اوفر بص انا مش بتاعت خروج وكلام ولولا اني شايفة طريقة كلامك معايا لولا كده انا وقفت معاك وعلشان تكون عارف انت اول واحد أقف اكلم معاك متفتكرش علشان كلمتك ان انا سداح مداح خد بالك محبش حد يلعب بيا 🤨🤨🤨🤨🤨
انت فاهم
ماجد:خلاص خلاص في ايه عموماً بكره هتعرفيني وهتعرفي اني شخص كويس وفعلاً مش بلعب بيكي
صفية 🙂🙂🙂طب هنفضل وقفين كده الليل قرب يضلم انا هروح بقى والبنات مستنيني باي باي.
فضلت مقابلات ماجد وصفية مستمره لحد مالست صفية خلصت الصف الأول الثانوي والصف الثاني
وفي الصف الثالث خلاص بقى صفية بقت عندها ثقة في ماجد مالهاش حدود لدرجة كانت بتروح معاه رحلات الجامعة واعياد ميلاد أصحابه
هتقولوا ازاي انتم نسيتوا انها كانت بتروح المدرسة بعد الضهر وطبعا كانت بتزوخ، من المدرسة وطبعاً اصحابها البنات عارفين وبيدارو عليها
صفية :ماما انا بكره هتاخر علشان هروح مع صاحبتي..... علشان اجيب منها ملزمة لشرح حاجات من المدرسة وهي واخدها في الدرس وانا مش فاهمها.
الام:ماشي يا صفية بس متتاخريش علشان ابوكي ميزعش
صفية :ماشي يا ماما
والهانم كانت عايشه حياتها.
في يوم جيه ماجد ماجد قالها :صفية ايه رايك تيجي اعرفك على عائلتي.
صفية:ماشي بس انت قولت لأهلك عني وعن عائلتي وابويا شغال ايه
ماجد:طبعاً انت فاكره ايه يعني هخدك اعرفك بيهم من غير ماكون قايلهم كل حاجة عنك.
صفية :خلاص أيه رايك في يوم الجمعه هقول ل ماما اني هروح اذاكر مع واحده صحبتي 👍👍👍👍
يوم الجمعه جيه وصفية راحت مع ماجد عند أهله وفعلاً لما دخلت صفية اتعرفت على أخته اللي كانت عارفها من كتر ماماجد كان بيتكلم عنها والاحضان والقبلات وخدتها من ايدها
وقاعدتها في الصالون وجيه اخوه الصغير كمان وشاور لاخته مين هه مين
اخته دي صفية تبع ماجد اللي عايز يتجوزها اه ياترى ماما هتعمل معاها ايه
والا اخونا الكبير والله البنت دي صعبانه عليا باين عليها طيبه
وهنا دخلت الام مين جيه يا عيال
هنا ردت الأخت دي البنت اللي عايز يتجوزها ماجد ياماما
جباها علشان تتعرفي عليها
الام:بتقولي ايه الولد ده عايز ايه مش كنا خلصنا من الموضوع ده هو مش انا قولتله انه هيتجوز بنت خالته هو الواد ده عايز ايه من الاخر طيب انا هخلص الموضوع ده دلوقتي
الأخت :ماما حرام دي البنت اول مره تدخل بيتنا ونبي قابليها كويس وهي اكيد متعرفش انه خاطب بنت خالتو
علشان خاطري ده باين عليها طيبة.
الأخت في نفسها دول ميعرفوش هي اد ايه طيبه لأنهم متعملوش معها ربنا يعدي اليوم ده على خير 😪
بصت الام لبنتها وقالت لما اشوف مجايب اخوكي وسبتها ودخلت الصالون
الأم :أهلا يا بنتي.
صفية :أهلا يا طنط.
الأم :انت بقى في سنه كام 😒
صفية :في سنه تالته دبلوم
الأم :دبلوم وبابا بيشتغل ايه يا ترى.
صفية :هو ماجد مقالش لحضرتك يا طنط ان بابا ساعي بوفيه .
الأم :بصت لابنها لا ماجد مقالش حاجة بس يا بنتي انا مش قصدي حاجة بس ماجد خاطب بنت خالته من زمان وانا مش قصدى اكسر بخاطرك بس حبيت اقولك علشان متستنيش حاجة من ابني.
ماجد :ماما انت بتقولي ايه انا مش خاطب حد مصدقيش يا صفية دي ماما بتقول كده بس انت عارفه اني بحبك وبحبش حد تاني.
الاخت:أهدى ياماجد في ايه ياماما ايه بس اللي حصل.
الأم :كل ده علشان قولت للبنت ان البيه خاطب بنت خالته هي دي مش الحقيقة.
صفية :في نفسها ايه اللي بيحصل ده يانهار غم هي الدنيا اتقلبت ليه كده وفي نفس الوقت بتقول برده لنفسها ايه هو كان بيتسلي بيا الفتره دي كلها وكمان ضحك عليا 😭😭😭😭😭😭😭😭
فجأه صفية وقفت وقالت ماجد معلش انا همشي انا اسفه ياطنط.
وخرجت بسرعه من الشقة وماجد وراها بينادي عليها صفية صفية.
صفيه بعد ماخرجت من العمارة لاقت اللي ماسكها من ايديها وكان ماجد صفية صدقيني انا مش خاطب بنت خالتي ولا حاجة
صفية :والدموع في عنيها بس انت احرجتني معنى كده انك لما قولتلي ان مامتك عايزه تتعرف عليا كان قصدقها تجبني عندها وتذلني طب ليه ليه
علشان احنا ناس على قد حالها والا علشان بنت اختها رد عليا رد
ماجد :بس انا بحبك يا صفية ومستعد اجي اخطبك من والدك انا عايزك انت وماليش دعوه بحد تاني.
صفية :لا يا ماجد لأهلك يوافقوا ياما كل واحد يروح لحاله 😒😒😒😒😒😒😒يا سلام ياختي بجد دلع بنات دي من عندي.
بعد كام يوم ومحاولات من ماجد علشان يصالح صفية، أخيراً صالحته بس هي مازالت متمسكة بشرطها.
عائلة ماجد منقسمة الاب والأم ولاخ الكبير ضد صفية، والأخ الصغير، والأخت مع ماجد وصفية
بس للأسف بسبب شرط صفية وتصميم الأم
ماجد خطب بنت خالته فعلاً والست صفية قاعده على أمل أن امه هتوافق في يوم من الأيام وتخرجت صفية من الدبلوم واتخرج ماجد من الكليه وبسبب تصميم صفية وتمسكها برايها
وتعب الأم بسبب رفض ابنها إتمام الزواج ترك ماجد صفية واتجوز بنت خالته
هتقولولي صفية عرفت ازاي من اخته أصلها كانت على صله بيها وبتروح تزورها في بيتها بعد جوزها وعرفت منهااللي حصل بعد مسابت ماجد.
وعرفت منها انه خلف بنت واسمها صفية والغريبة ان مراته عارفه انه كان بيحب واحده اسمها صفية، والغريبة انه طلق بنت خالته علشان مش مستريح معاها وبعد كده رجعلها بضغط من أمه ولكن هي استمرت في اهملها لماجد وبتخرج وكل يومها مع اصحابها او في النادي ووقع الطلاق للمره التانيه، حاول ماجد تاني مع صفية علشان يتجوزها بس هي رفضت وقالتله ازاي اتجوزك بعد مانت سبتني واتجوزت بنت خالتك وكمان خلفت منها ازاي وسبته للمره العشرين. 
وبعد سنين، وهي خارجه من شارعها قابلت مين 😃😃😃😃😃