روايات مصرية :بنات من حارتنا
الحكاية الأولى. بنات من حارتنا.(عشق لا ينتهي).
في حي شعبي شهير معروف على مستوى الجمهورية والمقصود بالجمهورية طبعا مصر
نبدأ الحكاية مع أسرة مكونة من ثلاث بنات وولد طبعا ديك البراري عند الست امه
البنت الكبرى صفية والولد احمد والبنت الوسطى مديحة والصغري انهار
الاب بيشتغل ساعي بوفيه والأم ست بيت
وكلهم قاعدين في اوضة فوق السطوح مملوك لناس صعايده
البنت الكبرى صفية من يوم ماكانت في عمر التمن سنين وهي في الإجازات بتروح مع عمتها العتبه أصلها كانت بتشتغل في مصنع هدوم هناك فكانت بتروح تكنس وتتعلم ازاي تشطب الشغل بعد خياطه.
صفية في أيام المدرسة كانت بتشتغل ايه بقى بتجيب كرتونة الشيبسي وتبيع في الفصل ولحد ماكانت في ثانوي تجاري بتعمل كده
وبرده مديحة مشيت على نفس طريق اختها مع الفرق انها ماكانتش بتبيع شيبسي بس مديحة لما خلصت الدبلوم اشتغلت في مصنع مليات.
صفية بعد الدبلوم فضلت فتره من مصنع لمصنع لحد مشتغلت مع اتنين ستات حبين يفتحوا مصنع ملابس وماشاء الله على صفية كانت كل حاجة بتعملها من أكل للصناعية وتنضيف وتروح معاهم العتبه علشان تجيب القماش والمرواح للمعارض اللي كانت بتتعمل في الهيلتون. فعلاً صفية كانت عايشة حياتها بره منطقتها الشعبيه وبعيد عن امها اللي كان كل اللي يهمها انها ازاي تخلي صفية دائما تشتغل حتى لو في وقت اشتكت من حاجة حصلت في الشغل تقولها استحملي على الاقل القرش بتاعك بينفع لما ابوكي بيقعد من الشغل.
صفية :ياما انا تعبت ده حتى الفلوس اللي بشتغلببيها مش عارفه اجيب بيها حاجه ليا سلسلة مثلاً طب خاتم.
الام:ماشي يا صفية ماهو انت لو فضلتي تشتغلي هحوشلك واجبلك اللي انت نفسك فيه
صفية في نفسها:اه مانا عارفه اجيب من هنا وتباع بعدها بأسبوع 😒
صفية في المدرسة :الواد ده عايز مني ايه كل يوم كده يستناني على باب المدرسة.
صحبتها :طب يابت يا صفية شوفيه عايز ايه ده باين عليه ابن ناس وبقاله ترم بحاله وراكي
صفية :يعني انت شايفه كده.
اه وماله
صفية في آخر اليوم الدراسي خرجت عادي من المدرسه وطبعا الواد ماشي وراها.
الولد:يا آنسة والله انا كويس ونفسي اتعرف عليكي.
صفية :انت بقى عايز ايه وجعت دماغي، انا مجدي بدرس في جامعة القاهرة وفي سنه ثالثه
وبابا بيشتغل.... وماما....
وعندي اخت اسمها.... واخين....
طب وانا مالي هو انت موقفني تحكيلي قصة حياتك
مجدي :لا والله انا نفسي اتعرف باين عليكي بنت كويسه وده اللي شدني ليكي 😊صفية :برده انت عايز ايه.
مجدي :مانا قولت نفسي اتعرف عليكي
صفية :ايه المصيبة دي طب انا همشي وبكره أنشأ الله نتكلم طب ماجي اوصلك، لا مش معنى انك حكتلي قصة حياتك اني انا كده خلاص لا يابابا بكره 😂
تعليقات
إرسال تعليق